പതിനഞ്ചാം കേരള നിയമസഭയുടെ പുതിയ ഡെപ്യൂട്ടി സ്പീക്കറെ കണ്ടെത്താനുള്ള വോട്ടെടുപ്പ് ഇന്ന് നടക്കും. ഭരണമുന്നണിയായ യുഡിഎഫിനെ പ്രതിനിധീകരിച്ച് കോൺഗ്രസിലെ ഷാനിമോൾ ഉസ്മാൻ മത്സരിക്കും. അരൂർ എംഎൽഎയാണ് ഇവർ. പ്രതിപക്ഷമായ എൽഡിഎഫിൻ്റെ സ്ഥാനാർഥി സിപിഐയിലെ മുഹമ്മദ് മുഹ്സിനാണ്. അദ്ദേഹം പട്ടാമ്പി എംഎൽഎയാണ്.

നിലവിലെ കണക്കുകൾ പ്രകാരം യുഡിഎഫിന് സഭയിൽ മികച്ച ഭൂരിപക്ഷമുണ്ട്. 102 എംഎൽഎമാരുടെ പിന്തുണ അവർക്കുണ്ട്. അതിനാൽ ഡെപ്യൂട്ടി സ്പീക്കർ സ്ഥാനത്തേക്ക് ഷാനിമോൾ ഉസ്മാൻ തെരഞ്ഞെടുക്കപ്പെടാൻ തന്നെയാണ് സാധ്യത. ഡെപ്യൂട്ടി സ്പീക്കർ തെരഞ്ഞെടുപ്പിൽ നിന്നും ബിജെപി എംഎൽഎമാർ വിട്ടുനിൽക്കുമെന്നാണ് സൂചന.

പ്രതിപക്ഷ നേതാവ് പിണറായി വിജയൻ, സിപിഐ നിയമസഭാ കക്ഷി നേതാവ് കെ രാജൻ എന്നിവർക്കൊപ്പമെത്തിയാണ് മുഹമ്മദ് മുഹ്സിൻ കഴിഞ്ഞ ദിവസം നാമനിർദേശ പത്രിക സമർപ്പിച്ചത്. മറുവശത്ത് മുഖ്യമന്ത്രി വിഡി സതീശൻ അടക്കമുള്ള പ്രമുഖ നേതാക്കളുടെ സാന്നിധ്യത്തിൽ ഷാനിമോൾ ഉസ്മാനും പത്രിക നൽകിയിരുന്നു.

രഹസ്യ ബാലറ്റിലൂടെയാണ് നിയമസഭയിൽ നിർണായകമായ ഈ തെരഞ്ഞെടുപ്പ് നടക്കുക. ഭരണഘടനാപരമായ ഈ സ്ഥാനത്തേക്ക് വരുന്നവർക്ക് സഭയെ നിഷ്പക്ഷമായി നിയന്ത്രിക്കാനുള്ള വലിയ ബാധ്യതയുണ്ട്. വോട്ടെടുപ്പിന് ശേഷം വിജയിക്കുന്ന അംഗത്തെ മുഖ്യമന്ത്രിയും പ്രതിപക്ഷ നേതാവും ചേർന്ന് ഇരിപ്പിടത്തിലേക്ക് ആനയിക്കും.

തിരുവനന്തപുരം: 16-ാം കേരള നിയമസഭയുടെ ഡെപ്യൂട്ടി സ്പീക്കർ തെരഞ്ഞെടുപ്പ് ഇന്ന് പൂർത്തിയായി. കോൺഗ്രസ് നേതാവും ആരൂർ എംഎൽഎയുമായ ഷാനിമോൾ ഉസ്മാൻ ഡെപ്യൂട്ടി സ്പീക്കറായി തെരഞ്ഞെടുക്കപ്പെട്ടു

വോട്ട് നില*: ഷാനിമോൾ ഉസ്മാൻ 99 വോട്ട് നേടി. എൽഡിഎഫ് സ്ഥാനാർത്ഥി സിപിഐ നേതാവ് മുഹമ്മദ് മുഹ്സിന് 34 വോട്ട് ലഭിച്ചു
3 ബിജെപി എംഎൽഎമാർ വോട്ടെടുപ്പിൽ നിന്ന് വിട്ടുനിന്നു. സ്പീക്കർ തിരുവഞ്ചൂർ രാധാകൃഷ്ണൻ പതിവനുസരിച്ച് വോട്ട് ചെയ്തില്ല
സ്പീക്കർ തിരുവഞ്ചൂർ രാധാകൃഷ്ണൻ ഷാനിമോൾ ഉസ്മാനെ ഔദ്യോഗികമായി വിജയിയായി പ്രഖ്യാപിച്ചു. തുടർന്ന് പ്രതിപക്ഷ നേതാവ് പിണറായി വിജയന്റെ അടുത്തുള്ള സീറ്റിൽ അവർ ഇരുന്നു .

ചരിത്ര നേട്ടം , കേരള നിയമസഭയുടെ നാലാമത്തെ വനിത ഡെപ്യൂട്ടി സ്പീക്കറാണ് ഷാനിമോൾ. കോൺഗ്രസിൽ നിന്ന് 66 വർഷത്തിന് ശേഷമാണ് ഒരു വനിത ഈ പദവിയിലെത്തുന്നത്
കെ.ഒ. ആയിഷാബായ് 1957-59, എൻ. നഫീസത്ത് ബീവി 1960-64, ഭാർഗവി തങ്കപ്പൻ 1987 എന്നിവരാണ് മുൻ വനിതാ ഡെപ്യൂട്ടി സ്പീക്കർമാർ
ആലപ്പുഴ ജില്ലയിലെ ആരൂർ മണ്ഡലത്തെ പ്രതിനിധീകരിക്കുന്ന രണ്ട് തവണ എംഎൽഎ ആണ് ഷാനിമോൾ. 60 വയസ്സ് തികഞ്ഞ് 3 ദിവസത്തിന് ശേഷമാണ് ഈ നിയമനം.
140 അംഗ സഭയിൽ യുഡിഎഫിന് 102, എൽഡിഎഫിന് 35, ബിജെപിക്ക് 3 അംഗങ്ങൾ ഉണ്ട് .
16-ാം കേരള നിയമസഭയുടെ ആദ്യ സമ്മേളനം മെയ് 21-ന് ആരംഭിച്ചിരുന്നു. മെയ് 22-ന് മുതിർന്ന കോൺഗ്രസ് നേതാവ് തിരുവഞ്ചൂർ രാധാകൃഷ്ണൻ സ്പീക്കറായി തെരഞ്ഞെടുക്കപ്പെട്ടിരുന്നു.

തിരുവനന്തപുരം: നീണ്ട വേനലവധിക്ക് ശേഷം സംസ്ഥാനത്തെ സ്‌കൂളുകൾ ഇന്ന് വീണ്ടും തുറക്കുന്നു.
പുതുവത്സര അധ്യയന വർഷത്തിലേക്ക് ആവേശത്തോടെയാണ് വിദ്യാർഥികൾ പ്രവേശിക്കുന്നത്.
പുതിയ അധ്യയന വർഷത്തിന്റെ ആദ്യ ദിനത്തിൽ സംസ്ഥാനത്തെ എല്ലാ സ്‌കൂളുകളിലെയും വിദ്യാർഥികൾ സൈബർ സുരക്ഷാ പ്രതിജ്ഞയെടുക്കും.

കേരള പൊലീസ് സൈബർ വിഭാഗത്തിന്റെ ‘കിഡ് ഗ്ലോവ് ‘
പ്രോജക്ട്‌ന്റെ ഭാഗമായി നടപ്പാക്കുന്ന ഈ സംരംഭത്തെക്കുറിച്ച് സംസ്ഥാന പൊലീസ് ആസ്ഥാനം പുറത്തിറക്കിയ പ്രസ്താവനയിലാണ് അറിയിച്ചിരിക്കുന്നത്. കുട്ടികളിൽ സൈബർ സുരക്ഷയെക്കുറിച്ചുള്ള അവബോധം വർധിപ്പിക്കുകയും ഡിജിറ്റൽ ലോകത്ത് സുരക്ഷിതമായി സഞ്ചരിക്കാൻ ആവശ്യമായ അറിവ് പകർന്നു നൽകുകയും ചെയ്യുകയാണ് പദ്ധതിയുടെ ലക്ഷ്യം.

ഓൺലൈൻ തട്ടിപ്പുകളും സൈബർ കുറ്റകൃത്യങ്ങളും വർധിച്ചുവരുന്ന സാഹചര്യത്തിൽ കുട്ടികൾ ഇത്തരം ചതിക്കുഴികളിൽ വീഴാതിരിക്കാനും സുരക്ഷിതമല്ലാത്ത ഡിജിറ്റൽ ഇടപാടുകൾ തിരിച്ചറിയാനും സഹായിക്കുന്നതിനായി വിപുലമായ ബോധവത്കരണ ക്യാമ്പയിനാണ് സംസ്ഥാനതലത്തിൽ ആരംഭിക്കുന്നത്.

പ്രതിജ്ഞയിലൂടെ ഉത്തരവാദിത്തത്തോടെയും ജാഗ്രതയോടെയും ഡിജിറ്റൽ സാങ്കേതികവിദ്യകൾ ഉപയോഗിക്കേണ്ടതിന്റെ പ്രാധാന്യം വിദ്യാർഥികളിലേക്ക് എത്തിക്കാനാണ് ശ്രമം. കുട്ടികളുടെ സുരക്ഷിതമായ ഓൺലൈൻ സാന്നിധ്യം ഉറപ്പാക്കുന്നതിനും സൈബർ ഭീഷണികളെക്കുറിച്ചുള്ള ബോധം ശക്തിപ്പെടുത്തുന്നതിനും ഈ സംരംഭം സഹായകരമാകുമെന്ന് അധികൃതർ അറിയിച്ചു.

പുതിയ അധ്യയന വർഷത്തിന് തുടക്കമാകുന്ന ദിനത്തിൽ വിദ്യാഭ്യാസത്തിനൊപ്പം സൈബർ സുരക്ഷയ്ക്കും പ്രാധാന്യം നൽകുന്ന ഈ നീക്കം വിദ്യാർഥികൾക്കും രക്ഷിതാക്കൾക്കും ഒരുപോലെ ഗുണകരമാകുമെന്ന് പ്രതീക്ഷിക്കുന്നു.

“എസ്‌ ഐടി യെ മാറ്റാൻ
പറ്റില്ല. ഹൈക്കോടതിയാണ് നിയമിച്ചത്. അന്വേഷണം ഹൈക്കോടതിയുടെ മേൽനോട്ടത്തിലാണ്” – മുരളീധരൻ വ്യക്തമാക്കി
ക്ഷേത്ര സ്വത്ത് സംരക്ഷിക്കും
“ഒരു കാരണവശാലും ഒരു ക്ഷേത്ര സ്വത്തും അപഹരിക്കാൻ പാടില്ല. ശ്രീപത്മനാഭ സ്വാമി ക്ഷേത്രത്തിലെ സ്വത്തുവകകൾ സംബന്ധിച്ചുള്ള പൊലീസ് റിപ്പോർട്ട് സംബന്ധിച്ച് ആഭ്യന്തരമന്ത്രിയുമായി ആലോചിച്ചു തീരുമാനിക്കും. വിഷയം സർക്കാർ ഗൗരവത്തോടെ ചർച്ച ചെയ്യും”
ശബരിമല സ്വർണ്ണക്കൊള്ള കേസ് അന്വേഷണത്തിൽ അതൃപ്തി രേഖപ്പെടുത്തിയ മുരളീധരൻ പറഞ്ഞു: “ഹൈക്കോടതിയുടെ മേൽനോട്ടത്തിലുള്ള SIT ആയതുകൊണ്ട് നിയമോപദേശം തേടിയ ശേഷമേ തുടർനടപടികൾ ഉണ്ടാകൂ

തെക്കുപടിഞ്ഞാറൻ കാലവർഷം അടുത്ത ദിവസങ്ങൾക്കുള്ളിൽ കേരളത്തിലേക്കും തമിഴ്‌നാട്ടിലെ ചില ഭാഗങ്ങളിലേക്കും എത്തിച്ചേരുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. നിലവിൽ അറബിക്കടലിലും ബംഗാൾ ഉൾക്കടലിലും രൂപപ്പെട്ടിട്ടുള്ള ശക്തമായ ചക്രവാതച്ചുഴികളാണ് കാലവർഷം നേരത്തെയാകാൻ അനുകൂല സാഹചര്യമൊരുക്കുന്നത്. ഇതിൻ്റ സ്വാധീനത്താൽ ജൂൺ 3, 4 തീയതികളിൽ സംസ്ഥാനത്ത് ഒറ്റപ്പെട്ട അതിശക്തമായ മഴ പെയ്യാൻ സാധ്യതയുള്ളതിനാൽ വിവിധ ജില്ലകളിൽ ഓറഞ്ച്, മഞ്ഞ അലർട്ടുകൾ പ്രഖ്യാപിച്ചു.

ജൂൺ 2 മുതൽ മിക്ക ജില്ലകളിലും 75-95% മഴയ്ക്ക് സാധ്യതയുണ്ട്. താഴ്ന്ന പ്രദേശങ്ങളിൽ വെള്ളക്കെട്ടും മലയോര മേഖലകളിൽ ഉരുൾപൊട്ടലും ശ്രദ്ധിക്കണം. കുട ചൂടി ഇറങ്ങുന്നതാണ് നല്ലത് .

മന്ത്രി ഒ ജെ ജെനീഷിനും സഹപ്രവർത്തകർക്കും വിരുന്നൊരുക്കിയതിൻ്റെ പേരിൽ മുതിർന്ന സിപിഐ പ്രവർത്തകൻ പി എസ് അബ്‌ദുൾ റഹ്മാനെ പാർട്ടിയിൽ നിന്ന് പുറത്താക്കി. അഷ്‌ടമിച്ചിറ ബ്രാഞ്ച് കമ്മിറ്റിയുടേതാണ് തീരുമാനം. വർഷങ്ങളായി പാർട്ടിയുടെ വിവിധ ഘടകളിൽ സജീവമായി പ്രവർത്തിച്ചിരുന്ന അദ്ദേഹം ലോക്കൽ കമ്മിറ്റി അംഗവും ജോയിൻ്റ് സെക്രട്ടറിയുമായും പ്രവർത്തിച്ചിരുന്നു. നിലവിൽ ബ്രാഞ്ച് കമ്മിറ്റി അംഗമാണ്.
മന്ത്രിയുടെ നന്ദി പ്രകടന സന്ദർശനത്തിനിടെ വീട്ടിൽ ഭക്ഷണം നൽകിയതിനെ തുടർന്നാണ് പാർട്ടി അച്ചടക്ക നടപടി സ്വീകരിച്ചതെന്നാണ് വിവരം. വീട്ടുകാരുടെയും നാട്ടുകാരുടെയും അഭ്യർഥന മാനിച്ചാണ് മന്ത്രിക്ക് വീട്ടിൽ ഭക്ഷണം നൽകിയതെന്നും അതിൽ രാഷ്ട്രീയ ലക്ഷ്യങ്ങളൊന്നും ഉണ്ടായിരുന്നില്ലെന്നും അബ്‌ദുൾ റഹമാൻ വ്യക്തമാക്കി.

ഒ ജെ ജെനീഷ് കേരളത്തിൻ്റെ മന്ത്രി ആണെന്നും കോൺഗ്രസിൻ്റെ മന്ത്രി അല്ലെന്നും അബ്‌ദുൾ റഹ്മാൻ പറഞ്ഞു. ഭക്ഷണം നൽകിയതിൻ്റെ പേരിൽ തന്നെ പാർട്ടിയിൽ നിന്ന് പുറത്താക്കിയ നടപടി അപ്രതീക്ഷിതവും വേദനാജനകവുമാണെന്ന് അദ്ദേഹം വ്യക്തമാക്കി. അതേസമയം, ദീർഘകാലമായി പാർട്ടിക്കായി പ്രവർത്തിച്ച ഒരു പ്രവർത്തകനെതിരായ നടപടി പ്രദേശത്തെ രാഷ്ട്രീയ വൃത്തങ്ങളിൽ ചർച്ചയായിരിക്കുകയാണ്

കുഞ്ഞ് ദീർഘനാളായി ക്രൂരമായ പീഡനത്തിന് ഇരയായിരുന്നിട്ടും രക്ഷിക്കാൻ സാധിക്കാതിരുന്നതിൽ അധികൃതരുടെ ഭാഗത്തുനിന്നുണ്ടായ വീഴ്ച.

നെടുമങ്ങാട് ഒന്നര വയസ്സുകാരൻ അർഷിദ് ക്രൂരമർദനമേറ്റു മരിച്ച സംഭവത്തിൽ കുട്ടിയുടെ അമ്മ അഖില, സുഹൃത്ത് അഷ്കർ എന്നിവരെ അറസ്റ്റ് ചെയ്തത് പൊലീസ്. പ്രതിയായ അഷ്കർ കുറ്റം സമ്മതിച്ചതായാണ് വിവരം. സംഭവദിവസം ചോറ് നൽകുന്നതിനിടെ കുഞ്ഞ് കരഞ്ഞെന്നും, കരച്ചിൽ നിർത്താത്തതിനെ തുടർന്ന് തലയ്ക്ക് പിന്നിൽ ശക്തമായി അടിക്കുകയായിരുന്നു എന്നുമാണ് അഷ്കർ പൊലീസിന് നൽകിയ മൊഴി. അടിയേറ്റ ഉടൻ തന്നെ കുഞ്ഞിൻ്റെ ബോധം നഷ്ടപ്പെട്ടിരുന്നു.
തെളിവെടുപ്പിനായി പ്രതി അഷ്കറിനെ ഇവര്‍ വാടകയ്ക്ക് താമസിക്കുന്ന വീട്ടിലെത്തിച്ചപ്പോള്‍ നാട്ടുകാര്‍ അക്രമാസക്തരാകുകയും പ്രതിക്കു നേരേ കയ്യേറ്റ ശ്രമം നടത്തുകയുമുണ്ടായി. സ്ഥലത്ത് സംഘര്‍ഷാവസ്ഥയായതിനാല്‍ പ്രതിയെ രക്ഷപ്പെടുത്തി പൊലീസ് സ്ഥലത്തുനിന്ന് മടങ്ങുകയായിരുന്നു
കുഞ്ഞിൻ്റെ ശരീരത്തിൽ കൊടും ക്രൂരതയുടെ അടയാളങ്ങളാണ് പോസ്റ്റ്മോർട്ടത്തിൽ കണ്ടെത്തിയത്.
ശരീരത്തിൻ്റെ വിവിധ ഭാഗങ്ങളിലായി 51 മുറിവുകളുണ്ടായിരുന്നു. ഇവയിൽ ഭൂരിഭാഗവും പല നാളുകളായി തുടർച്ചയായി ലഭിച്ച മർദനത്തിൻ്റെ പഴയ പാടുകളാണ്.
കുഞ്ഞിൻ്റെ കൈകാലുകളിലും മുതുകിലും കാൽപാദത്തിൻ്റെ അടിവശത്തും പൊള്ളിച്ച അടയാളങ്ങളുണ്ട്. കൂടാതെ എല്ലുകൾക്ക് ഒടിവും സംഭവിച്ചിട്ടുണ്ട്.
തലയ്ക്ക് പിന്നിലേറ്റ ശക്തമായ ആഘാതവും ആന്തരികാവയവങ്ങൾക്കേറ്റ ക്ഷതവുമാണ് മരണത്തിലേക്ക് നയിച്ചത്. കുഞ്ഞിൻ്റെ ജനനേന്ദ്രിയത്തിലും പരിക്കേറ്റതായി റിപ്പോർട്ടിൽ വ്യക്തമാക്കുന്നു