തൊഴിലെടുക്കുന്നവരുടെ അവകാശങ്ങള്‍ക്ക് വേണ്ടി വാദിക്കുന്നവരും സംഘടനകളും വായ്‌ പൂട്ടിയിരിക്കുന്നു.

പണിയെടുക്കുന്നവര്‍ക്ക് ന്യായമായ വേതനം കൊടുക്കുവാന്‍ മടിക്കുന്ന ആശുപത്രി ഉടമകള്‍ക്ക് രോഗികളെ പിഴിയുന്നതില്‍ ഒരു മാനദണ്ടവും ഇല്ലെന്ന് പൌരാവകാശ സംഘടനകള്‍.

ആരോഗ്യ മന്ത്രിയുടെ മൌനം ആരെ സഹായിക്കാനാണെന്ന് പ്രതിപക്ഷ ചോദ്യം

മുൻകൂർ അറിയിപ്പ് നൽകിയിട്ടില്ലാത്തതിനാൽ പണിമുടക്ക് നിയമവിരുദ്ധമാണെന്ന് കേരള പ്രൈവറ്റ് ഹോസ്പിറ്റൽസ് അസോസിയേഷൻ

സ്വകാര്യ ആശുപത്രികളിലെ നഴ്‌സുമാരുടെ അനിശ്ചിതകാല പണിമുടക്ക് സംസഥാനത്തെ പല ആരോഗ്യ സ്ഥാപനങ്ങളിലും പ്രവർത്തനം സങ്കീർണമാക്കുന്നു. മാനേജ്‌മെന്റുകളുടെ ഒരു അസോസിയേഷൻ സമരത്തെ വിമർശിക്കുകയും നടപടിയെടുക്കുമെന്ന് മുന്നറിയിപ്പ് നൽകുകയും ചെയ്തതോടെ സമരം കൂടുതൽ ശക്തമാകുകയാണ്.
മുൻകൂർ അറിയിപ്പ് നൽകിയിട്ടില്ലാത്തതിനാൽ പണിമുടക്ക് നിയമവിരുദ്ധമാണെന്ന് മലപ്പുറത്ത് നടന്ന പത്രസമ്മേളനത്തിൽ കേരള പ്രൈവറ്റ് ഹോസ്പിറ്റൽസ് അസോസിയേഷൻ (കെപിഎച്ച്എ) ആരോപിക്കുന്നു. ജോലി ചെയ്യാൻ തയ്യാറുള്ള നഴ്‌സുമാരെ തടസ്സപ്പെടുത്തുകയും രോഗികളെ, പ്രത്യേകിച്ച് കിടപ്പിലായവരെ അവഗണിക്കുകയും ചെയ്യുന്നത് ശരിയല്ലെന്നും അവർ വാദിച്ചു. നഴ്‌സുമാരുടെ അഭാവം മൂലം രോഗികൾക്ക് ശരിയായ ചികിത്സയോ പരിചരണമോ നൽകാൻ കഴിയുന്നില്ലെന്ന് ചില ഡോക്ടർമാർ പോലും പരാതിപ്പെട്ടു. സ്വകാര്യ ആശുപത്രികളിൽ നിന്ന് അവിടേക്ക് പോകുന്ന രോഗികളുടെ ഭാരം മെഡിക്കൽ കോളേജുകൾക്ക് പോലും വഹിക്കാൻ കഴിയില്ലെന്ന് അവർ പറഞ്ഞു.

കണ്ണൂർ:
റമദാൻ മാസത്തിൽ ജാതിമത ഭേദമന്യേ നൂറുകണക്കിന് ആളുകൾക്ക് നോമ്പുതുറക്കും അത്താഴത്തിനും സമൃദ്ധമായ ഭക്ഷണം നൽകി മാതൃകയാകുകയാണ് കണ്ണൂർ സിറ്റിയിലെ സിറ്റി ജുമാമസ്‌ജിദിന് മുന്നിലുള്ള തെക്ക്യാവ് അത്താഴ കമ്മിറ്റി. ദാരിദ്ര്യവും പട്ടിണിയും നിലനിന്നിരുന്ന കാലത്ത് ഒരു കൂട്ടം സുമനസ്സുകൾ ചേർന്നാണ് ഈ കാരുണ്യപ്രവർത്തനത്തിന് തുടക്കമിട്ടത്. കഴിഞ്ഞ 36 വർഷമായി ഒരു ഇടവേള പോലും കൂടാതെ സേവനം തുടരുകയാണ് കമ്മിറ്റി.

മതപ്രഭാഷണത്തിന് എത്തുന്ന പണ്ഡിതർ, ദൂരദേശങ്ങളിൽ നിന്നെത്തുന്ന യാത്രികർ, മത്സ്യത്തൊഴിലാളികൾ തുടങ്ങിയവർക്ക് പുലർച്ചെ ഭക്ഷണം ലഭിക്കാത്ത സാഹചര്യം കണ്ടാണ് അത്താഴ വിതരണം ആരംഭിച്ചത്. പിന്നീട് പ്രവാസികളുടെയും നാട്ടുകാരുടെയും പിന്തുണയോടെ പ്രവർത്തനം വ്യാപകമായി. ഇന്ന് ഏകദേശം നാനൂറോളം പേർക്ക് ഇഫ്താറും മുന്നൂറോളം പേർക്ക് അത്താഴവും നൽകുന്ന വലിയ സംവിധാനമായി ഇത് വളർന്നു.

ഇഫ്താറിന് നെയ്ച്ചോർ, കോഴിയിറച്ചി, ബീഫ് ബിരിയാണി, മന്തി, പൊറോട്ട, വെള്ളയപ്പം, ഇടിയപ്പം തുടങ്ങിയ വിഭവങ്ങളും അത്താഴത്തിന് ചോറ്, മീൻ, അരിപ്പത്തൽ തുടങ്ങിയ ഭക്ഷണങ്ങളും ഒരുക്കുന്നു. ടോക്കൺ അടിസ്ഥാനത്തിലാണ് വിതരണം നടക്കുന്നത്. എന്നാൽ ടോക്കൺ ഇല്ലാത്തതിനാൽ ആരും വിശന്നുകൊണ്ട് മടങ്ങേണ്ട സാഹചര്യമുണ്ടാകില്ലെന്നും ആവശ്യമായാൽ ഉടൻ ഭക്ഷണം പാകം ചെയ്ത് നൽകുന്ന സംവിധാനവുമുണ്ടെന്നും കമ്മിറ്റി അംഗങ്ങൾ അറിയിച്ചു.

ജാതിമത ഭേദമന്യേ എല്ലാവരെയും ഉൾക്കൊള്ളുന്ന ഈ സംരംഭം മനുഷ്യസ്നേഹത്തിൻ്റെയും ഐക്യത്തിൻ്റെയും സന്ദേശമാണ് നൽകുന്നതെന്ന് കണ്ണൂർ കോർപറേഷൻ മുൻ മേയർ അഡ്വ. ടി.ഒ. മോഹനൻ പറഞ്ഞു. ചെറിയ രീതിയിൽ ആരംഭിച്ച ഈ പ്രവർത്തനം ഇന്ന് പ്രദേശത്തെ മുഴുവൻ സമൂഹത്തെയും കൂട്ടിയിണക്കുന്ന വലിയൊരു കാരുണ്യ കൂട്ടായ്മയായി മാറിയിരിക്കുകയാണ്

മന്ത്രി കെ.ബി. ഗണേഷ് കുമാറിനെതിരായ ആരോപണങ്ങളെ തുടര്‍ന്ന് കോണ്‍ഗ്രസ് ശക്തമായ വിമര്‍ശനവുമായി രംഗത്ത്. ഇത്തരം വിഷയങ്ങളില്‍ ഒത്തുതീര്‍പ്പിന് വഴിയൊരുക്കാന്‍ മുഖ്യമന്ത്രിയും സിപിഎമ്മും ശ്രമിക്കുന്നുണ്ടോ എന്ന സംശയം കെപിസിസി പ്രസിഡന്റ് സണ്ണി ജോസഫ് ഉയര്‍ത്തി. ഇത്രയും ഗൗരവമുള്ള വിഷയത്തില്‍ സെറ്റില്‍മെന്റ് അംഗീകരിക്കാനാവില്ലെന്നും ഗണേഷ് കുമാര്‍ മന്ത്രിസ്ഥാനത്തില്‍ നിന്ന് രാജിവെക്കണമെന്നും അദ്ദേഹം ആവശ്യപ്പെട്ടു.

മന്ത്രി ഗണേഷിനെതിരായ ആരോപണങ്ങള്‍ വ്യക്തിപരമായ കാര്യമെന്ന നിലയില്‍ തള്ളിക്കളയാന്‍ സാധിക്കില്ലെന്ന് കോണ്‍ഗ്രസ് നേതാവ് രമേശ് ചെന്നിത്തല പറഞ്ഞു. ഗാര്‍ഹിക പീഡനം ഉള്‍പ്പെടെയുള്ള ഗുരുതര ആരോപണങ്ങള്‍ വിഷയത്തില്‍ ഉയര്‍ന്നിട്ടുണ്ടെന്നും അദ്ദേഹം ചൂണ്ടിക്കാട്ടി. വിഷയത്തില്‍ മുഖ്യമന്ത്രിയുടെ ശ്രദ്ധയില്‍പ്പെട്ടിട്ട് 48 മണിക്കൂര്‍ കഴിഞ്ഞിട്ടും നടപടി ഉണ്ടായിട്ടില്ലെന്നും, ഇത് കേരളത്തിലെ ഒരു മന്ത്രിയുമായി ബന്ധപ്പെട്ട വിഷയമാണെന്നതിനാല്‍ സര്‍ക്കാര്‍ ധാര്‍മ്മിക നിലപാട് സ്വീകരിക്കണമെന്നും ചെന്നിത്തല ആവശ്യപ്പെട്ടു.

മാപ്പ് പറഞ്ഞാല്‍ മാത്രം തീരുന്ന പ്രശ്‌നമല്ല ഇതെന്ന് കോണ്‍ഗ്രസ് നേതാവ് കെ. മുരളീധരനും പ്രതികരിച്ചു. പൊതുസമൂഹത്തിന് അംഗീകരിക്കാനാകാത്ത രീതിയിലാണ് മന്ത്രി പെരുമാറിയതെന്നും ആരോപണങ്ങളില്‍ സര്‍ക്കാര്‍ വ്യക്തമായ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു. മുന്‍പും സമാന വിവാദങ്ങളെ തുടര്‍ന്ന് ഗണേഷ് കുമാറിനെ മന്ത്രിസഭയില്‍ നിന്ന് പുറത്താക്കിയ സംഭവവും മുരളീധരന്‍ ഓര്‍മ്മിപ്പിച്ചു. ഈ വിഷയത്തില്‍ മുഖ്യമന്ത്രിയുടെ പ്രതികരണത്തിനായി കോണ്‍ഗ്രസ് കാത്തിരിക്കുകയാണെന്നും നേതാക്കള്‍ വ്യക്തമാക്കി.

മന്ത്രി ഗണേഷ് കുമാറിനെതിരെ രൂക്ഷ വിമർശനവുമായി എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. മന്ത്രിസ്ഥാനത്തിരിക്കുമ്പോൾ ഒരു വ്യക്തി പാലിക്കേണ്ട അടിസ്ഥാന നിലവാരവും മര്യാദയും ഗണേഷ് കുമാർ പാലിച്ചില്ലെന്ന് അദ്ദേഹം ആരോപിച്ചു. ഇത്രയും വഷളായ രീതിയിൽ പെരുമാറിയ മറ്റൊരു മന്ത്രി ഉണ്ടായിട്ടില്ലെന്നും അതിനാൽ വിഷയത്തിൽ മുഖ്യമന്ത്രി ജനങ്ങൾക്ക് തൃപ്തികരമായ തീരുമാനം എടുക്കണമെന്നും വെള്ളാപ്പള്ളി ആവശ്യപ്പെട്ടു.
ഗണേഷ് കുമാറിനെതിരായ ഭാര്യയുടെ പരാതിയെ കുടുംബപ്രശ്നമായി കണ്ട് ഒത്തുതീർപ്പാക്കിയെന്ന വാർത്തകൾക്കു പിന്നാലെയാണ് വെള്ളാപ്പള്ളിയുടെ പ്രതികരണം. പൊതുപ്രവർത്തകനെന്ന നിലയിൽ സമൂഹത്തിന് മുന്നിൽ മാതൃകയായിരിക്കേണ്ട വ്യക്തിയാണ് മന്ത്രി, എന്നാൽ അദ്ദേഹത്തിന്റെ വാക്കുകളിലും പ്രവർത്തികളിലും ദാർഷ്ട്യവും മാടമ്പിത്തരവുമാണെന്നും അദ്ദേഹം പറഞ്ഞു. ഭംഗിയായി ഭരണം മുന്നോട്ടുകൊണ്ടുപോകുന്ന മന്ത്രിസഭയ്ക്ക് അപമാനമായി ഈ സംഭവം മാറിയെന്നും വെള്ളാപ്പള്ളി വിമർശിച്ചു.
അതേസമയം മന്ത്രി ഗണേഷ് കുമാറും ഭാര്യ ബിന്ദു മേനോനും തമ്മിലുള്ള പ്രശ്നം ഇന്ന് രാവിലെ ഒത്തുതീർപ്പാക്കിയതായി റിപ്പോർട്ടുകളുണ്ട്. ഗണേഷ് കുമാർ ഫോൺ വിളിച്ച് ക്ഷമ ചോദിച്ചതിനെ തുടർന്ന് താൻ പരാതി പിൻവലിച്ചതായി ബിന്ദു മേനോൻ മാധ്യമങ്ങളോട് പറഞ്ഞു. മുമ്പ് മന്ത്രിയെ മറ്റൊരു സ്ത്രീക്കൊപ്പം വീട്ടിൽ കണ്ടതായും അതിന്റെ ചിത്രങ്ങൾ അടക്കമുള്ള തെളിവുകൾ തന്റെ കൈവശമുണ്ടെന്നും അവർ വെളിപ്പെടുത്തിയിരുന്നു.