നേമം; പൂട്ടിയ എക്കൗണ്ട് തുറക്കാമെന്നത് വ്യാമോഹം മാത്രം
നേമം തിരിച്ചു പിടിക്കാൻ യു ഡി എഫിന്റെ കരുത്തനായ സ്ഥാനാർത്ഥി വരും : യു ഡി എഫ്.
സീറ്റ് നില നിർത്തുമെന്ന് എൽ ഡി എഫ്.
കേരള നിയമസഭാ തിരഞ്ഞെടുപ്പിൽ നേമം, വട്ടിയൂർക്കാവ്, മഞ്ചേശ്വരം മണ്ഡലങ്ങൾ പിടിച്ചെടുക്കാൻ ബിജെപി ഒരുങ്ങുന്നു. എൽഡിഎഫും യുഡിഎഫും ശക്തമായ പ്രതിരോധമുയർത്തുന്നതോടെ ഈ മണ്ഡലങ്ങളിൽ ഇത്തവണ തീപ്പാറുന്ന ത്രികോണപ്പോരാട്ടം ഉറപ്പായിക്കഴിഞ്ഞു.
തിരുവനന്തപുരം: നിയമസഭ തെരഞ്ഞെടുപ്പിൽ ബിജെപി വിജയസാധ്യത പ്രതീക്ഷിക്കുന്ന വട്ടിയൂർക്കാവ്, നേമം, മഞ്ചേശ്വരം മണ്ഡലങ്ങളിൽ ശ്രദ്ധ കേന്ദ്രീകരിച്ച് മുന്നണി നേതാക്കൾ. പത്തുവർഷത്തിന് ശേഷം കേരളത്തിൽ വീണ്ടും താമര വിരിയിക്കാനാണ് ബിജെപി കച്ച കെട്ടിയിറങ്ങുന്നത്. അതിന് തടയിടാൻ സർവസന്നാഹങ്ങളുമായി പടയൊരുക്കുകയാണ് എൽഡിഎഫും യുഡിഎഫും. ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറും മന്ത്രി വി ശിവൻകുട്ടിയും മത്സരിക്കുന്ന നേമത്ത് പ്രചാരണത്തിനുള്ളത് സംസ്ഥാന നേതാക്കളാണ്. കെ മുരളീധരൻ യുഡിഎഫ് സീറ്റ് തിരിച്ചു പിടിക്കാൻ അങ്കത്തിനിറങ്ങുമെന്ന് ധാരണയായതോടെ വട്ടിയൂർക്കാവിൽ പ്രതീക്ഷിക്കുന്നത് തീ പാറുന്ന പോരാട്ടം.
