റാന്നിയിൽ കാട്ടുപന്നി കടയിൽ ഇടിച്ചു കയറി കടയുടമയായ യുവതിയെ കുത്തി പരിക്കേല്പിച്ചു

റാന്നി: നാട്ടിലിറങ്ങിയ കാട്ടുപന്നി കടയിൽ ഇടിച്ചു കയറി കടയുടമയായ യുവതിയെ കുത്തി പരിക്കേല്പിച്ച് ഓടി രക്ഷപ്പെട്ടു.പുനലൂർ മൂവാറ്റുപുഴ സംസ്ഥാന പാതയിൽ റാന്നി ബ്ലോക്ക് പടിക്ക് സമീപം വൈക്കത്ത് പ്രവർത്തിച്ചുവരുന്ന ബിസ്മി സൂപ്പർമാർക്കറ്റ് ഉടമ ബിസ്മി മൻസിൽബീന ( 43) നാണ് പരിക്കേറ്റത്. രാവിലെ 8.30 മണിയോടെ ഓടി വന്ന കാട്ടുപന്നി കടയിൽ ഓടികയറി അവിടെ നിന്നിരുന്ന ബിനയെ കുത്തി പരിക്കേല്പിക്കുകയും പേടിച്ച് ഒച്ച വെച്ചതിനെ തുടർന്ന് കാട്ടു പന്നി പുറത്തേക്ക് ഓടുകയുമായിരുന്നു. പന്നിയുടെ അക്രമണത്തിൽ കൈക്ക്പരിക്കേറ്റതിനെ തുടർന്ന് ബീനയെ റാന്നി താലൂക്ക് ആശുപത്രിയിൽ ചികിത്സയ്ക്കായി എത്തിച്ചു.തുടർന്ന് റാന്നി പഞ്ചായത്തിൻ്റെ നേതൃത്വത്തിൽ ഷൂട്ടർ മാരെ എത്തിച്ച് തിരച്ചിൽ നടത്തി പന്നിയെ കണ്ടെത്തി വെടിവെച്ചു കൊന്നു.